Tremendo compentencia National 23 May 2010

Last Updated on Monday, 24 May 2010 20:42 Written by Administrator Monday, 24 May 2010 20:25

Ganadoran absoluto den Competencia National ta John Henriquez, Hugo Themen, Reggie Henriquez y Jennifer Piter

Enconexion cu Anja di Reina 2010

Dia 23 di mei 2010, Aruba Amateur Weightlifting Association a tene nan Torneo di hisamento di peso. Esaki a tuma lugar den Compleho Deportivo Frans Figaroa na Noord. Den e competencia aki varios hisadornan a sali como ganador den nan categoría. Den categoria di senior  John Henriquez bira e ganador absoluto cu un total di 270kg, segundo lugar a bai pa Patrick Vrolijk cu un total di 227kg .

tercer lugar a bai pa Gilbert Gomez cu 214kg, cuatro lugar a bai pa Michael Bareño cu un total di 181kg, cinco lugar a bai pa Darvin Raphaela cu un total di 165kg y di seis lugar abai pa Jeanpierre Winterdal cu 135kg. Den categoria di junior Reginald Henriquez ta sali ganador absoluto cu un total di   141kg, segundo lugar a bai pa Charles Tromp cu 100kg y tercer lugara bai pa Deimer Jose cu 85kg Den categoría di Masters Hugo Themen a sali ganador absoluto cu un total di 145kg y segundo lugar a bai pa Anthony Martinus cu 160kg.

Den categoria di damas Jennifer Piter ta sali ganador absoluto cu un total di 135kg. Jennifer ta logra hisa den un extra entento 80kg. segundo lugar a bai pa Valerie Figaroa cu un total di 75kg.

Tambe trofeonan a bai pa hisadornan cu mas a progresa, na di prome lugar a bai pa Gilbert Gomez cu 19kg y segundo lugar a bai pa Charles Tromp cu 5kg.

Presente na e competencia tabata Secretario di Comité Olimpico Arubano Sra. Nicole Hoevertsz y di Comishon Tecnico Sr. Edmundo Alias cu a entrega e medalja y trofeonan na e ganadornan. 

 

Directiva di Aruba Amateur Weightlifting Association ta gradici  Lotto pa Deporte, Comishon di Subsidio, De Palm Tour y Body Ice cu a sponser e torneo,  Sr. Chonai Faro cu su equipo di sonido y tur voluntario cu a juda pa haci e Torneo di hisamento di peso un exito.