Copa Betico Croes 2010

Home \ Calendar

Copa Betico Croes 2010

Written by Aruba Weightlifting

( 1 Vote )

Aruba Amateur Weightlifting Association a tene nan prome competencia cu ta Torneo Copa Betico Croes di hisamento di peso. Esaki a tuma lugar dialuna 25 januari 2010 den Compleho Deportivo Frans Figaroa na Noord. Tin varios ganador den nan Categoria.

Den categoria di senior John Henriquez a bira e ganador absoluto cu un total di 285kg, segundo lugar a bai pa Patrick Hoek cu un total di 245kg y tercer lugar a bai pa Sebastian Suarez cu un total di 150kg.

Den categoria di junior Reginald Henriquez ta sali ganador absoluto cu un total di 157kg, segunde lugar a bai pa Robbert Henriquez cu 100kg.

Den categoria di hubenil Michelangelo Vos ta sali ganador absoluto cu un total di 122kg, segundo lugar pa Jefferson Quant cu 79kg y tercer lugar a bai pa Terence Tromp cu 93kg total.

Den categoria di master, ganador absoluto a bira Edsel Vos cu un total di 235kg.

Den categoria di damas Jennifer Piter ta sali ganador absoluto cu un total di 133kg, y ta kibra tres record nacional uno den snatch cu 57kg, den clean & jerk cu 76kg y den total cu 133kg. Jennifer Piter, John Henriquez y Patrick Hoek ta atletanan den pre-selecion di Comite Olimpico Arubano pa participa na e Weganan Suramericano cu ta wordo teni na Medellin, Colombia den luna di maart 2010.

Tambe trofeonan a bai pa e hisadornan cu mas a progresa, prome lugar a bai pa Jeanpiere Winterdal cu 20kg, secundo lugar pa Jefferson Quant cu 10kg, tercer lugar pa Robbert Henriquez tambe cu 10kg.

E medaljanan y trofeonan a wordo entrega door di Sra. Petra Faro.

Directiva di Aruba Amateur Weightlifting Association ta gradici Lotto pa Deporte, Comishon di Subsidio, De Palm Tour y Body Ice cu a sponser e campionato, Sr. Chonai Faro cu su equipo di sonido y tur voluntario cu a juda pa haci e Copa Betico Croes 2010 un exito.